Në dyshim ekzistenca e ekipit shqiptar, lojtarët nuk stërviten sepse s’kanë… trajner

Panorama Sport | Lajmet e fundit nga bota e sportit

Postuar: Nëntor 18, 2020 | 9:24


Në dyshim ekzistenca e ekipit shqiptar, lojtarët nuk stërviten sepse s’kanë… trajner

Albpetroli vazhdon të përpëlitet. Situata është më e rëndë se kurrë, duke vënë në dyshim edhe ekzistencën e ekipit. Reduktimi i financave nga ana e Bashkisë së Patosit, dorëheqja e stafit teknik dhe gjendja kritike e ekipit kanë bërë që futbollistët zyrtarisht të mbeten pa stërvitje.aLBPETROLI

Ata janë paraqitur dje në ambientet e stadiumit “Alush Noga”, por s’kanë mundur që të përgatiten si zakonisht. Shkaku: nuk ka trajner dhe as zv.trajner. Në kësi kushtesh, edhe seanca e së martës ka dështuar. Gjithsesi, ata janë munduar që në mënyrë individuale të kryejnë ndonjë ushtrim për të ruajtur formën sportive.

Nuk dihet si do të jetë vazhdimësia, por java e ardhshme do të përcaktojë edhe fatin e klubit patosarak. Ndërkohë, pritet rikthimi i kryetares së Bashkisë së Patosit, njëkohësisht dhe presidente e ekipit, që për shkak të infektimit me “COVID-19” nuk ka qenë në krye të punëve të institucionit më të lartë të qytetit. Pushimi i kësaj jave pritet t’i shërbejë Albpetrolit që të vendosë për të ardhmen.

LUIS FEJZULLAH-PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com