Interi dhe Juventusi këtë sezon kanë dhënë shenjat se do të luftojnë deri në fund për titullin kampion në Itali.

Ardhja e Kontes te zikaltrit ka bërë që Interi të rigjej identitetin e munguar dhe të jetë skuadër e fortë, që josh edhe lojtarët për t’u bashkuar. Dueli mes Juves dhe Interit, nuk përqëndrohet vetëm në fushën e lojës, por tashmë ka kaluar dhe në merkato.

Siç raporton “Gazzeta Dello Sport”, Paratiçi dhe Marota sfidohen për katër talente, që konsiderohen e ardhmja e Serisë A.

Bëhet fjalë për Kiezën, Kulusevskin, Tonalin dhe Zaniolon. Të katërt po shkëlqejnë me skuadrat e tyre dhe tregojnë se kanë shumë potencial të pashprehur ende në fushën e lojës.

Konkurrenca mes Juves dhe Interit tashmë është rikthyer të jetë e fortë dhe kjo i jep një tjetër bukuri futbollit italian.

/PANORAMASPORT.AL/

NDIQE LIVE "PANORAMA TV"

---