“Luftë doni, luftë do të keni”, huliganët rusë kërcënojnë me vdekje tifozët anglez
Ashtu siç është njoftuar edhe më parë, huliganët rusë po përgatiten për t’i bërë një ‘mirëseardhje’ aspak miqësore tifozëve anglez në Botërorin e Rusisë që do të zhvillohet këtë verë.
Ultrasit rusë janë duke u organizuar në rrjetin social rus “VKontakte”, duke premtuar se do ta kthejnë në ferr Kupën e Botës. Ata madje i kanë kërcënuar me vdekje tifozët anglez.
Reagimi ka ardhur pas një deklarate të fundit nga FIFA, ku shprehej bindja në aftësinë e Rusisë për të garantuar sigurinë e tifozëve.
Një grup i quajtur “Russian Hooligans” thurin plane në rrjetin social se si të përplasen me tifozët anglezë. Ata shkruajnë se do të joshin anglezët në qytetin e vogël të Reutov, pasi aty do të ishin një pre më e lehtë për ta.
“Mirë. Ju doni luftë, atëherë do ta keni atë. Lufta është në gjakun tonë”, shkruan një anëtar në këtë grup.
Muajin e kaluar, tifozët rusë të Spartak Moscow krijuan tensione duke u përplasur me policinë në Bilbao të Spanjës, ku një polic mbeti i vdekur pas një ataku në zemër.
