Kur ndryshimi vjen nga stoli, Partizani “merr zemër” nga blerjet e janarit
Ekipi i Partizanit bëri shumë blerje në merkaton e janarit, duke filluar nga mbrojtja e deri në sulm. Problemi më i madh i ekipit ishte sulmi, prandaj të kuqtë investuan për të sjellë në ekip Abdurahimin dhe Kardozon, por edhe Cani mund të quhet si një blerje janari, sepse në fazën e parë të sezonit zëre se nuk luajti fare.
Në javët e para pas minifazës dimërore, blerjet e Partizanit nuk po jepnin fryte. Asnjëri prej sulmuesve të blerë nuk po arrin të gjenin golin, dhe madje më keq se kaq, nuk po arrinin të fitonin as minuta. Shpresat e ekipit vazhdonin të vareshin te dyshja e zakonshme, Bardhi e Progni.
Por në javët e fundit shihet se gjërat kanë ndryshuar. Dëmtimi i Bardhit ndaj Kamzës, i dha mundësinë Abdurahimit të tregonte vetën. Sulmuesi nuk arriti të gjente golin, por bëri një perfomancë mjaft të mirë duke treguar se problemet fizike tashmë i ka lënë mbrapa.
Diferencën ndaj Kamzës e bëri një tjetër blerje e janarit, Lukas Kardozo, i cili shënoi golin e tij të dytë me Partizanin. Por, në qoftë se i pari nuk kishte shume vlerë sepse u shënua në goleadën 6-0 ndaj Lushnjës, i dyti ishte “frymëmarrje” për Partizanin. Goli i tij i dha fitoren Partizanit dhe braziliani tregoi cilësi shumë të mira teknike.
Por të mos harrojmë Çanin. Partizanin mori zemër që nga ajo fitore me Flamurtarin dhe në atë ndeshje shënoi pikërisht Çani, i futur nga stoli. Duket se ndryshimi i Partizanit nuk vjen vetëm nga blerjet e janarit, por edhe nga lojtarët e futur nga stoli…
NDIQE LIVE "PANORAMA TV"