Presidenti i Federatës Shqiptare të Futbollit, Armand Duka, ka uruar ish-trajnerin Xhani De Biazi që shkroi historinë me Kombëtaren kuqezi, i cili ka firmosur një kontratë të re në Azerbajxhan. Italiani do të jetë trajneri i ri i përfaqësueses azere, ndërkohë që do të ketë në staf edhe ish-kapitenin Ansi Agolli.

Duka i ka uruar suksese në këtë aventurë të re, teksa e ka siguruar se ai do të ketë gjithmonë një vend të veçantë në historinë e futbollit shqiptar.

POSTIMI I DUKËS:

U gëzova shumë kur mësova lajmin se Gianni De Biasi do të nisë një aventurë të re në stolin e kombëtares së Azerbajxhanit. Dua t’i uroj sukseset më të mira ish-trajnerit të Kombëtares shqiptare, më të cilin kemi përjetuar emocione te jashtëzakonshme dhe kemi arritur edhe suksesin më të madh të Kombëtares ?? në kompeticionet ndërkombëtare.
Ndihem mirë që De Biazi ka qenë një pjesë e rëndësishme e atij rrugëtimi historik, që kulmoi me pjesëmarrjen e Kombëtares kuqezi në finalet e EURO 2016. Edhe pse kanë kaluar 3 vjet nga ndarja e rrugëve tona, dua ta siguroj se ai do të ketë gjithmonë një vend të veçantë në historinë e FSHF-së dhe përfaqësueses shqiptare. Shpresoj dhe uroj që De Biazi të shijojë sa më shumë suksese në këtë eksperiencë të re!”

PANORAMSPORT.AL

NDIQE LIVE "PANORAMA TV"

---