Ka zhvilluar një sezon të madh në Gjermani, Dyseldorf ia kalon topin Lacios për të ardhmen e Berishës
Një sezon mjaft të mirë ka zhvilluar Valon Berisha me skuadrën e Fortuna Dyseldorfit në Bundesligë, pas një viti e gjysmë vuajtjesh te Lacio.
Mesfushori kosovar po jep një kontribut të madh për skuadrën gjermane që të mos bjerë nga kategoria, mirëpo kriza koronavirus ka sjellë pasojat e saj.
Vetë drejtori sportiv i Dyseldorfit, Luts Fanestiel e pranon që Berisha po bën mjaft mirë, ama blerja e tij do të varet nëse Lacio do të ulë çmimin e kartonit dhe nëse kosovari do të reduktojë pagën.
“Berisha po bën mjaft mirë. Ai ka rritur nivelin e skuadrës. Nëse arrijmë të shpëtojmë qëndrimin e tij do të ishte gjë e madhe. Gjithsesi nuk do të ushtrojmë të drejtën e blerjes duke qenë se kriza na ka goditur edhe ne.
Lacio duhet të na takojë. Ndër të tjera edhe rroga e Berishës është e lartë për standardet tona, kështu që ai duhet të provojë se dëshiron të qëndrojë duke bërë një sakrificë,” u shpreh Fanestiel për “Radiosei”.
PANORAMASPORT.AL
NDIQE LIVE "PANORAMA TV"