Iniesta: Çelsi vetëm mbrohej, mos prisnit të kishte spektakël?!
Andres Iniesta nuk është personazh shumë i dashur në Londër, por në fakt askush nuk e fërshëlleu në momentin që u zëvendësua.
Kapiteni i Barcelonës thotë se rezultati i marrë në transfertë është pozitiv, por në ndeshjen e kthimit do të jetë një tjetër histori. Katalanasi analizon ndeshjen duke thënë se Çelsi u mbrojt me shumë lojtarë.
NDESHJA– “Kishte gjithçka. Ishte një ndeshje Champions-i, shumë intensive. E dinim që do të ishte e vështirë. Nuk krijuam shumë raste dhe nuk i konkretizuam sulmet, sepse kishte shumë lojtarë në zonën e Çelsit, por përfituam nga ai rast. Në shtëpinë tonë do të ketë një tjetër ndeshje dhe për këtë jam i sigurt. Të luash në shtë- pi, përballë njerëzve të tu është diçka speciale. Çelsi do të luajë për gjithçka dhe janë një nga ekipet më të mira në Europë”.
REZULTATI– “Rezultati është pozitiv pas golit që arritëm, por gjithçka është e hapur. Në ‘Kamp Nou’ duhet të bëjmë një ndeshje të madhe për të siguruar kualifikimin”.
PLANIFIKIM– “Kur kërkon të bësh lojën, e di që do të kesh pranë 7-8 lojtarë që do të vijnë të marrin topin dhe do të mbrohen. Kjo nuk është kritikë, por për këtë fakt ndeshja nuk ishte shumë e bukur dhe nuk pati spektakël. Por, ne luajtëm lojën tonë dhe morëm barazimin”.
E KTHIMIT– “Për të marrë një rezultat të mirë, duhet të bëjmë një ndeshje të mirë në vija të përgjithshme. Ndeshja që bëmë ishte fantastike, por e dimë që nuk është e lehtë”.
S’KA FËRSHËLLIMA“Nuk kam asgjë për të thënë. Secili përpiqet të bëjë punën e tij në mënyrën më të mirë të mundshme. Ka kaluar shumë kohë nga ajo situatë, e cila ishte e dhimbshme për Çelsin. Por, Çelsi na eliminoi pak vite më vonë. Futbolli është i tillë dhe është i bukur”.
NDIQE LIVE "PANORAMA TV"