Shkon në 3 numri i futbollistëve shqiptarë te gjigantët e Legias së Varshavës. Pas Muçit dhe Çelhakës, së fundmi është transferuar në formë huazimi dhe talenti shqiptar i Kosovës, Qëndrim Zyba, nga radhët e kampionëve të Ballkanit. Lajmi është konfirmuar nga vetë klubi kosovar nëpërmjet një postimi në faqen zyrtare. 

Bëhet me dije se Zyba huazohet te ekipi polak deri në fund të sezonit, me të drejtë blerje të gjithë kartonit.

22-vjeçari ishte ndër lojtarët më të spikatur te skuadra e Ilir Dajës sezonin e kaluar, madje është pjesë edhe e Kosovës, teksa tashmë do të nisë një aventurë tepër të rëndësishme në karrierën e tij. 

NJOFTIMI ZYRTAR I BALLKANIT:  

Të dashur tifozë,  

Ju njoftojmë se super mesfushori ynë dhe i Kombëtares së Kosovës, Qëndrim Zyba, e vazhdon karrieren te skuadra prestigjioze e Legias së Varshavës.  

Futbollisti huazohet te ekipi polak deri në fund të sezonit, me të drejtë blerje të gjithë kartonit.  

Klubi e falenderon Zybën për kontributin e madh që ka dhënë me ne, duke ndihmuar në arritjen e objektivave tona, kurse ne jemi të lumtur që si vatër e ngritjes profesionale të lojtarëve, krijojmë në vazhdimësi mundësi për ta që të arrijnë lartë e më lartë.  

Të priftë e mbara Qëndrim  

PANORAMASPORT.AL

NDIQE LIVE "PANORAMA TV"

---