Postuar: Mars 18, 2021 | 23:23
Gjysmëfinalet e Kupës së Shqipërisë, vetëm 2 skuadra e kanë të sigurt licencimin për Kupat e Europës
Nga katër skuadrat gjysmëfinaliste, vetëm dy prej tyre e kanë të sigurt licencimin për Kupat e Europës, pikërisht Teuta dhe Laçi. Siç dihet, ende Vllaznia nuk e ka marrë OK-in për të qenë pjesë e Europës në rast se kualifikohet sportivisht, pasi nuk ka plotësuar kriterin financiar të licencimit.
Klubi kuqeblu duhet të bëjë një marrëveshje me Tatimet për borxhin që ka, në mënyrë që t’i hapë rrugën marrjes së licencës. Nga ana tjetër, Skënderbeu është i dënuar nga UEFA me vendim të formës së prerë nga të gjitha shkallët e gjykimit dhe kësisoj nuk merr dot pjesë në Ligën e Europës. Në rast se korçarët fitojnë Kupën, atëherë do të përfitojë vendi i katërt në kampionat.
PANORAMASPORT.AL
NDIQE LIVE "PANORAMA TV"