Gasperini: Kemi besim se do kualifikohemi, shpresoj të na shtyhen pushimet

Panorama Sport | Lajmet e fundit nga bota e sportit

Postuar: Gusht 11, 2020 | 19:27


Gasperini: Kemi besim se do kualifikohemi, shpresoj të na shtyhen pushimet

Atalanta luan nesër ndeshjen ndaj PSG-së në Champions. Kjo mund të jetë ndoshta sfida më e rëndësishme në historinë 112-vjeçare të klubit italian. Por tifozët shpresojnë në një kualifikim historik.

atalanta

Trajneri i Atalantës, Xhan Piero Gasperini ka folur në konferencën për shtyp. “Nuk kemi luajtur kurrë më parë në një stadium kaq të jashtëzakosnhëm. Mëkat që nuk do ketë tifozë. Mendonim se Juventusi do kualifikohej, por kemi mbetur vetëm ne skuadër italiane në Champions. PSG është një skuadër e madhe që dominon prej vitesh në Francë. Ne kemi shumë besim se do të kualifikohemi. Di që nuk luan Di Maria pasi është i pezulluar. Kënaqësia është e madhe që po luajmë në këto nivele, por ne duhet të jemi të përqëndruar vetëm tek kjo ndeshje.

Ne do të jemi pak a shumë si kombëtarja, e gjithë Italia do bëjë tifo për ne. Uroj të bëjmë mirë dhe shpresoj të na shtyhen pushimet”, përfundoi Gasperini.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com