Luftëtari mori një fitore shumë të rëndësishme ndaj Kamzës. Menjëherë pas ndeshjes, klubi gjirokastrit, përmes një postimi në faqen zyrtare, ia dedikoi këtë trepikësh drejtorit teknik, Vangjel Çavo, i cili sot festoi 45-vjetorin.

“Çunat ja dedikojne fitoren drejtorit teknik Vangjel Çavo me rastin e ditelindjës së tij. Gjejmë rastin t’i urojmë edhe 100 vjeç dhe shumë suksese në karrierën e tij. Forca Luftëtari!”, – shkruhej në faqen e klubit gjirokastrit.

Ndërkohë, pas ndeshjes është parë shumë i dëshpëruar Dejvi Bregu, i cili humbi një mori rastesh. Mirëpo, tifozët gjirokastritë, si ata të pranishëm në shkallët e stadiumit, po ashtu edhe grupimi “Shqiponjat Bluzi”, e mbështetën fuqimisht.

NDIQE LIVE "PANORAMA TV"

---