Postuar: Shtator 30, 2020 | 11:32
FOTO-VIDEO/ Tirana zbarkon në Zvicër, surpriza në mesin e bardhebluve është… Duka
Skuadra e Tiranës sapo ka zbarkuar në aeroportin e Bazelit në Zvicër. Bardheblutë janë ndalur më pas për të realizuar disa fotografi. Por, në bordin e avionit “Air Albania” ka qenë dhe presidenti i FSHF-së Armand Duka, i cili ka dalë në foton e skuadrës bardheblu pasi kanë zbarkuar në tokën zvicerane.
Sipas informacioneve, udhëtimi ka shkuar qetë. Ai është ftuar nga presidenti i Tiranës Refik Halili për të ndjekur së bashku supersfidën e nesërme me Jang Boisin për fazën “play-off” të Ligës së Europës.
Ndërkohë, ekipi kampion i Shqipërisë duhet të përshkojë 100 km deri në Bernë, aty ku do të luajë sfidën me rivalët helvet.
(Nga i dërguari i “Panorama Sport” në Zvicër, Olsi Avdija)
NDIQE LIVE "PANORAMA TV"