Klubi i Romës do të largohet nga Tirana me trofeun e parë historik të Ligës së Konferencës, duke qenë fituesi i parë i këtij turneu. Një titull që skuadra italiane e ka vendosur menjëherë në autobusin e saj.

Autobusit të romanistëve, i cili erdhi me traget dy ditë më parë në vendin tonë, i është vendosur menjëherë mbishkrimi “FITUESIT e Ligës së Konferencës 2022” në xhamin e përparmë të tij pas finales, për ta bërë edhe më të veçantë.

Ndërkohë, klubi ka bërë të ditur se lojtarët dhe stafi do të udhëtonin sot drejt Italisë, por nuk ia kishin ende idenë se kur dhe se nuk kishin bërë ende plane për festën që i priste në kryeqytetin italian.

“Kthehemi nga Tirana që këtë natë, por nuk e dimë ende kur. Por nesër pasdite, do të festojmë të gjithë bashkë në Romë. Në mëngjes do t’ju përditësojmë me programin”, shkruante klubi në rrjetet sociale.

Torniamo da Tirana questa notte, ma non sappiamo ancora quando…

Domani pomeriggio, però, festeggeremo tutti insieme a ROMA.

Vi aggiorneremo in mattinata con il programma.

DAJEEEEE DAJEEEEE DAJEEEEEE!#ASRoma pic.twitter.com/yXAKvpagl7

— AS Roma (@OfficialASRoma) May 25, 2022

PANORAMASPORT.AL

NDIQE LIVE "PANORAMA TV"

---