Kukësit duketn se nuk i ndahen problemet gjyqësore. Teksa vitin e kaluar verilindorët patën probleme me Izair Eminin, këtë vit historia përsëritet edhe me Elton Kalen.

Braziliani ka më shumë se një muaj që nuk gjendet në Shqipëri, edhe pse tek Kukësi e prisnin, ndërsa marrëveshja e rinovimit ishte gati. “Panorama Sport” ka arritur të gjejë faksimilen e kontratës së Kales, ku lojtari pretendon se është rinovuar pa dijeninë e tij.

Kukësi e ka depozituar në muajin maj këtë marrëveshje rinovimi në FSHF, dhe siç pretendon braziliani, nuk është shkrimi i tij ai që ka hedhur firmën në kontratë. Elton Kale do ta çojë çështjen në FIFA, duke qenë se mbetet i bllokuar në këtë merkato.

NDIQE LIVE "PANORAMA TV"

---