Gersi Diamanti gjeti golin me Flamurtarin, pasi rikthimit të tij nga Kastrioti. Pas ndeshjes për “Panorama Sport” 24-vjeçari u shpreh: “Ndihem mirë që shënova. Jam i kënaqur edhe me fitoren, pasi jemi Flamurtari dhe duhet të shkojmë aty ku e kemi vendin.

Ndihemi shumë mirë, pasi jam në shtëpinë time. Ashtu siç bëra ndaj Burrelit, dua të shënoj edhe në vazhdim për të ndihmuar sa më shumë Flamurtarin në arritjen e objektivit”.

18-vjeçari

Arlind Leshi vulosi rezultatin, duke shënuar në kohë shtesë. Arlind Leshi “fluturoi në ajër” pas shënimit të golit dhe shkoi të festonte me tifozët e tribunës C. 18-vjeçari i akademisë vlonjate nuk e ka për herë të parë që shënon me skuadrën e parë.

“Më gëzon fitorja, na duhej ky rezultat. Falënderoj trajnerin dhe drejtuesit e klubit për besimin që kanë tek unë. Do të bëj maksimumin në çdo ndeshje për ta shpërblyer këtë besim. Duhet të shikojmë para dhe të fitojmë edhe në ndeshjet e radhës”, u shpreh Leshi.

PANORAMASPORT.AL

 

NDIQE LIVE "PANORAMA TV"

---