Pritej më shumë interesim nga tifozët për një sfidë si kjo mes Vllaznisë dhe Dinamos. “Panorama Sport” sjell disa nga momentet pikante të ndeshjes.

* Një numër i vogël tifozësh e ka ndjekur nga afër këtë sfidë. Afro 1000 të pranishëm në stadiumin “Loro Boriçi”.

*Në tribunën e rezervuar për tifozët miq qëndronte stoik një tek tifoz blu, i cili kishte shpalosur një flamur të madh të skuadrës së zemrës, duke sfiduar shkodranët.

* Shtubina e ndjek nga tribuna e gazetarëve takimin, pasi vuan kartonin e kuq të marrë kundër Egnatias. Po nga tribuna e gazetarëve e ka ndjekur ndeshjen edhe Krymi, për shkak të dëmtimit.

* Trajneri mik Mehmeti nuk kërkon që ekipi i tij të humb kohë, por në minutat e para mundohet që edhe rivëniet anësore të futen në fushë me shpejtësi.

* Shpesh tekniku Brdariç gjatë takimit ka duartrokitur dhe mbështetur të tijtë edhe kur ata bënin ndonjë gabim në pasim apo ndërhyrje. Trajneri gjerman i ka dhënë disa herë orientime Hakajt në momentet kur ky i fundit kryente rivëniet anësore, apo goditjet e dënimit. Në minutën e 34-t Brdariç shfrytëzoi një ndërprerje për të orientuar të tijtë, duke i afruar thuajse të gjithë lojtarët rreth vetes.

* Në momentin e golit të Dodajt është ngritur peshë jo vetëm tifozëria shkodrane në stadium, por edhe stoli kuqeblu, ku të gjithë kanë vrapuar pas lojtarit.

* Pas ndeshjes, trajneri Brdariç ka nxjerrë në stërvitje të gjithë lojtarët që u aktivizuan në ndeshje.

* Pas ndeshjes trajneri gjerman ka takuar gjithë gazetarët dhe më pas familjarët e tij, të cilët ishin të pranishëm në tribunën “VIP”.

* Presidenti Xhaferi, edhe pse nuk ishte i pranishëm në stadium, ka vendosur ta shpërblejë skuadrën për fitoren kundër Dinamos.

PANORAMASPORT.AL

NDIQE LIVE "PANORAMA TV"

---