“Di si tu marr maksimumin lojtarëve”, prezantohet Emiljano Çela: Ja çfarë i mungon Kastriotit (VIDEO)
Emiljano Çela ka marrë zyrtarisht drejtimin e Kastriotit. Trajneri ka zhvilluar stërvitjen me ekipin dhe në një prononcim për mediat ka folur rreth kësaj aventure të re.
Si është kjo sfidë për ju?
“Pavarësisht se disa veta e kanë menduar ndryshe, unë e mendoj si fakt pozitiv që deri më dje isha në fushë dhe sot dola si trajner. Mendoj që e njoh më afër mentalitetin e lojtarëve, fakti që mu dha mundësia të isha trajner i Kastriotit. Është diçka pozitive sepse i njoh problemet.”
Ideologjitë tuaja për të ndryshuar skuadrën?
“Falënderoj trajnerin që ka qenë sepse ka punuar mirë nga ana fizike e ekipit. Problemi më i madh është pozicioni i lojtarëve në role natyrale. Kjo mendoj që ka sjellë dhe disa probleme në aspektet e lojës. Është ndryshe kur një lojtar luan në rolin e tij natyral.”
Pritshmëritë për merkaton?
“Për mua është e rëndësishme të punoj me lojtarët që janë. Janë grup i mirë dhe kam besim tek ky ekip. I kemi thënë direktivat presidentit. Kemi mangësi në sulm dhe në krahët e mesfushës. Të shohim se çfarë do të sjellë merkatoja e janarit.”
Objektivi mbijetesë?
“Është një sfidë e madhe për të gjithë. E rëndësishme është që të mos ta shohim tabelën e renditjes aktualisht. Të rregullojmë problemet e fazës së parë dhe të rikthejmë besimin dhe mentalitetin tek lojtarët. Do të shohim më vonë dhe tabelën.”
Sa i rëndësishëm do të jetë ky start?
“Është një përgjegjësi shumë e madhe të jesh trajner në elitën e futbollit shqiptar. Shpresoj dhe besoj që do të bëjmë më të mirën e mundshme.”
Favor fakti që skuadra ju njeh?
“E thashë dhe më parë që është aspekt pozitiv. I njoh lojtarët nga ana sportive dhe personale. E di si tu marr maksimumin këtyre lojtarëve.”
Sot ne stërvitje me Kastriotin kanë dalë edhe vëllezërit Adolf dhe Santiago Selmani, qe u larguan vetëm pak dite me pare nga Teuta. Nga ekipi janë larguar mbrojtësit Grgiç dhe Reçi, si dhe mesfushori Silva.
BUJAR BALLIU-PANORAMASPORT.AL
NDIQE LIVE "PANORAMA TV"