Ariel Harush, portieri i Izraelit, ishte padyshim një ndër më të mirët në fushë për vendasit, që me pritjet e tij vendimtare, çmendi shqiptarët dhe i siguroi fitoren kombëtares së tij.

Në prononcimin e tij pas ndeshjes, gardiani 30-vjeçar, e cilësoi përballjen me Shqipërinë si më të mirën e karrierës së tij. Sipas Harush, ishte një nga ato ndeshjet ku ai e ndjente se asnjë plumb nuk mund të kalonte.

“Ishte një nga ndeshjet më të mira në karrierë. E kam ëndërruar gjithmonë një paraqitje si kjo e sotmja. Dua të komplimentoj të gjithë shokët e skuadrës, për shpirtin e garës që treguan. Po rrëqethem ende nga emocionet, nuk di të kem përjetuar më parë një atmosferë të tillë në ekipin kombëtar.

Nuk ishte një ndeshje e madhe si ndaj Skocisë, por kishte sakrificë dhe dhamë 200%. Kjo ishte nga ato ndeshje kur unë ndjeja se as një plumb nuk mund të më kalonte, dhe prisja ta ndaloja”, u shpreh gardiani 30-vjeçar pas ndeshjes.

NDIQE LIVE "PANORAMA TV"

---