Partizani bëri një goditje të madhe në këtë merkato, duke afruar mesfushorin malazez Marko Cetkoviç. Fantazisti ka luajtur më parë me Laçin në Kategorinë Superiore, por në pjesën e parë të këtij sezoni u aktivizua me Sarajevon në Bosnjë-Hercegovinë.

“Panorama Sport” zbulon ekskluzivisht se para se t’u bashkohej të kuqve, 30-vjeçari i ka dalë borxhit Vllaznisë. Burime të sigurta pranë lojtarit i treguan gazetës se në momentin që vendosi të prishte kontratën me Sarajevon, ai ka telefonuar trajnerin e shkodranëve, Armando Cungu, me të cilin ka miqësi, dhe i ka bërë me dije se mund të dilte lojtar i lirë.

Cetkoviç ka kërkuar nga shkodranët 5 mijë euro në muaj. Mirëpo, klubi kuqeblu e ka pasur të pamundur të plotësojë kërkesën e malazezit dhe kësisoj Partizani e ka shfrytëzuar menjëherë mundësinë, duke bindur Cetkoviçin.

Një nga ata që ndjen më shumë keqardhje në këtë situatë duket se është trajneri i shkodranëve, Cungu, që ia njeh mirë vlerat malazezit.

NDIQE LIVE "PANORAMA TV"

---