Atletiko Madrid duket se ende nuk  e ka vendosur nëse Antuan Grizman do të jetë ose jo pjesë e skuadrës për sezonin e ardhshëm, me francezin që është transferuar në një marrëveshje huazimi me të drejtë blerje nga ana e Barcelonës e cila pret vendimin përfundimtar të Atletikos brenda këtij muaji.

Sipas raportimeve situata e paqartë e 31-vjeçarit ka bërë që edhe klubet e tjera të interesohen për të dhe qëndrimin e tij në La Liga, ku sipas raportimeve nga “AS” edhe Atletik Bilbao ka kërkuar informacione për lojtarin.

Ideja e Atletik Bilbaos do të ishte ajo e një huazimi 1-vjeçar me të drejtë blerje, një marrëveshje e ngjashme me atë që iu ofrua skuadrës së Simeones, Barcelona nga ana tjetër duket se është e vendosur për t’u liruar përfundimisht nga francezi dhe ja ka ofruar atë edhe klubeve të kampionateve të tjera dhe është në pritje të një oferte që do të mundësonte largimin e tij përfundimtar.

PANORAMASPORT.AL

NDIQE LIVE "PANORAMA TV"

---