Skënderbeu i Ernest Gjokës arriti një fitore spektakolare me rezultatin 0-3 ndaj Bylisit në “Adush Muça”, duke ndezur kështu “luftën” për mbijetesë. Falë këtij 3 pikshi të artë, falë golave të egjiptianit Nasr, që realizoi dopietë dhe braziliani Lukinja, korçarët arritën të ngjiteshin në kuotën e 26 pikëve, teksa tashmë diferenca me ballshiotët është vetëm 2 pikë. 

Ky ishte triumfi i dytë radhazi për Skënderbeun, që duelin e ardhshëm do e luajë në transfertë ndaj Elbasanit, ndërkohë që Bylisi pret Teutën në shtëpi.  

 

FT: BYLIS-SKËNDERBEU 0-3

Nasr 23′, 32′, Lukinja 80′

KOMENTI LIVE:

90′ Akordohen 3 minuta shtesë.

88′ Zëvendësim i fundit te Bylisi, largohet Berko, vendin e tij e merr Çelaj.

80′ GOOOOL SKËNDERBEU 0-3/ Shënon edhe braziliani Lukinja i aktivizuar në vendin e Jurit në minutën e 67-të. Pas asistit të Janaqit, sulmuesi i Skënderbeut me një parabol fantastike tundi rrjetën e ballshiotëve për herë të tretë. (VIDEO) 

74′ Largohet edhe Bismark vendin e tij e merr braziliani Zhoao Felipe.

68′ Tjetër zëvendësim te Bylis, Da Silva i lë vendin Koxhit.

67′ Gjoka kryen dy zëvendësime, largohen Nikaj dhe Juri në fushë Lukinja dhe Janaqi.

67′ Rrezikon Bylisi me Sulovarin, tentativa e tij shkon mbi kuadrat.

59′ Kundërsulm i Skënderbeut me Nasr, i cili gjuan brenda zonës, por topi shkon ngjitur me shtyllën. (VIDEO) 

59′ Da Silva “flirton” me supergolin nga goditja e dënimit, por tentativa e tij grushtohet mjaft bukur nga portieri Alia. (VIDEO)

57′ Mezani kryen dy zëvendësime, largohen Përgjoni dhe Malomo, në lojë Sulovari dhe Mustafa Ibrahim.

49′ Sulmuesi Berko është i ndëshkuari i radhës për ndërhyrje të gabuar ndaj Dokës.

46′ Pjesa e dytë nis me zëvendësim te Bylisi, largohet Mahmuti vendin e tij e merr Ruçi.

Mbyllet pjesa e parë! 

45′ Akordohen 2 minuta shtesë.

32′ GOOOOL SKËNDERBEU 0-2/ Shënojnë sërish korçarët me egjiptianin Nasr, që pas asistit të Prençit, tund për herë të dytë rrjetën. Fillimisht gjyqtari akordon pozicion jashtë loje, por pas konsultimit me VAR-in, goli konsiderohet i rregullt. (VIDEO) 

31′ Pranë golit të dytë Skënderbeu me Bismark, por tentativa e tij devijohet nga mbrojtësi i Bylisit në këndore.

27′ Pranë golit të barazimit Bylisi, me Da Silvën, por tentativa e tij në hyrje të zonës shkon jashtë kuadratit. (VIDEO) 

23′ GOOOOL SKËNDERBEU 0-1/ Zhbllokohet sfida, egjiptiani Nasr kalon në avantazh korçarët. Sulmuesi përfiton nga një mosmarrveshje mes portierit dhe mbrojtësit të Bylisit, ku me portën e boshatisur e pati shumë të lehtë ta shtynte topin drejt rrjetës. (VIDEO)

15′ Pranë golit Skënderbeu, Nikaj shpërdoron një mundësi të artë shënimi i vetëm përballë portës. Nuk u beson syve shkodrani (VIDEO) 

11′ Bylisi kërkon penallti për prekje të topit me dorë nga Bismark, por nuk është i këtij mendimi gjyqtari Hamiti. (VIDEO) 

9′ Kundërpërgjigjet Skënderbeu me egjiptianin Nasr, që pas harkimit të Dokës, provon me kokë, por tentativa e tij ishte qëndrore, duke u ndalur nga portieri Batista. (VIDEO)

6′ Malomo ndëshkohet me karton të verdhë për ndërhyrje të gabuar ndaj Shaqes.

4′ Rastin e parë të rrezikshëm e krijon Bylisi me Da Silvën, por tentativa e tij devijohet nga Dumfur dhe shkon në goditje nga këndi. (VIDEO) 

1′ Starton sfida në stadiumin “Adush Muça”.

FORMACIONET ZYRTARE: 

BYLIS: Batista, Bruno, Ilieski, Abazaj, Ofori, Peralta, Mahmuti, Përgjoni, Malomo, Da Silva, Berko. Trajner: G.Mezani  

SKËNDERBEU: Alia, Prençi, Dumfur, Shaqe, Doka, Sabo, Estrela, Juri, Nikaj, Nasr, Bismark. Trajner: E.Gjoka 

PANORAMASPORT.AL

---