Egnatia dhe Dinamo praktikisht është ndeshja për tu ndjekur këtë mesjavë në Superiore.

Të dyja skuadrat janë pretendente për titullin kampion këtë sezon dhe ky pritet të jetë akti i parafundit, sepse shorti mund t’i vendosë sërish përballë njëra-tjetrës në “Final 4”.

Duke parë ndeshjet e këtij kampionati, Egnatia arriti që të triumfonte në takimin e parë kundër Dinamos, ndërsa Vuthaj dhe Lushkja ishin vendimtarë me golat e tyre.

Dueli i dytë u nda në barazim 1-1, ku për blutë shënoi Dejvi Bregu me penallti dhe po ashtu me anë të një 11-metërshi realizoi edhe Lushkja për Egnatian. Sfida e fazës së tretë pa Dinamon fituese, ndërsa Mandela dhe Nani ishin shënuesit për ekipin e Dajës, ndërsa goli i Ndrecës nuk mjaftoi.

Nga një duel të fituar secili dhe me një barazim, sot këto dy ekipe do të përballen sërish.

PANORAMASPORT.AL

---