Agim Zeka po kalon një moment të vështirë në karrierë. 27-vjeçari është pa ekip, ndërsa në muajin janar mbylli para kohe aventurën me Real Mursian.

Zeka zbulohej nga Skënderbeu si talent në vitin 2016. Vetëm një vit më vonë, bardheblutë finalizuan shitjen te Lil B në Francë.

Karriera e tij pati ulje dhe ngritje. Për herë të fundit në Shqipëri ishte pjesë e Partizanit. Me të kuqtë fitoi edhe ftesën e Silvinjos te Kombëtarja, por pa u preferuar as në stol.

Të kuqtë ndanë rrugët me Zekën në korrikun e vitit të kaluar. Eksperienca e fundit në Spanjë ishte për t’u harruar, pasi sulmuesi u dëmtua. Në total u largua me kujtimin e dy paraqitjeve.

PANORAMASPORT.AL

---