Xhampaolo nuk e do në skuadër, lojtari i Milanit pranë kalimit në Torino
Diego Laksalt me shumë mundësi do të largohet nga Milani pas vetëm një sezoni me kuqezinjtë, pasi nuk bën pjesë në planet e trajnerit të ri, Marko Xhampaolo.
Sipas asaj që shkruan “Calciomercato.com”, në gjurmët e lojtarin është vënë Torino, të cilët janë në kërkim të një mbrojtësi të majtë. Thuhet se drejtuesit e klubit torinez kanë planifikuar një takim ditën e nesërme me agjentin e 26-vjeçarit, për të kuptuar më mirë situatën e uruguaianit.
Klubi “granata” kishte shfaqur interes për Laksalt që kur ai ishte pjesë e Xhenoas, por asokohe nuk kishin mundur të arrijnë një marrëveshje dhe tani janë rikthyer përsëri me shpresën se do të gjejnë një akord.
Megjithatë Torino, nuk është skuadra e vetme e interesuar për shërbimet e mbrojtësit, pasi edhe Atalanta me Fiorentinën janë duke u përpjekur për ta marrë atë në skuadrat e tyre respektive. Milani kërkon të paktën 14 milionë euro për ta lënë të lirë lojtarin, dhe do të pranonin vetëm një huazim me detyrim blerje.
PANORAMASPORT.AL
NDIQE LIVE "PANORAMA TV"