VIDEO/ Triumf me aromë titulli! “Lu-La” mposht Milanin në derbi, Interi shkëputet në krye

Panorama Sport | Lajmet e fundit nga sporti

Postuar: Shkurt 21, 2021 | 23:57


VIDEO/ Triumf me aromë titulli! “Lu-La” mposht Milanin në derbi, Interi shkëputet në krye

Interi ka triumfuar me rezultatin 3-0 në derbi ndaj Milanit, duke hedhur një hap të rëndësishëm drejt titullit kampion. Zikalërit e Kontes kanë dominuar në sfidën e “San Siro”-s, duke realizuar plot 3 herë me Lautaro Martinez dhe Romelu Lukakun, në portën e Donarumës, që sot dukej i pafuqëishëm për të bërë diçka.

lukaku.lautaro.inter.2020.21.gruppo.esultano.750x450

Pjesa e parë u mbyll me avantazhin e 1 goli për Interin, pasi kishte shënuar më parë Lautaro në minutën e 5’. Pjesa dytë nisi me kuqezinjtë më kërkues, teksa flirtuan plot 3 herë me golin brenda 1 minute, por në të treja rastet gjetën një Handanoviç të pakalueshëm. Kur të gjithë po prisnin golin e barazimit, Lautaro i dha një tjetër goditje skuadrës së Piolit, duke shënuar në minutën e 57’, pas një kundërsulmi vrastar.

ibrahimovic.milan.2020.21.contatto.skriniar.inter.750x450

Për goditjen përfundimtare mendoi Lukaku, i cili në minutën 65’, pasi merr topin në mesfushë, shkëputet drejt zonës, për ta ndalur topin në fundin rrjetës. Me këtë fitore, Interi shkëputet në krye të renditjes me 53 pikë, 4 më shumë se Milani, që tashmë rrezikon shumë për zonën Champions, pasi kalendari bëhet edhe më i vështirë.

FT: MILAN-INTER 0-3

Lautaro Martinez 5′ , 57′, Lukaku 65′

Formacionet zyrtare:

Milan: Donaruma, Romanjoli, Kjaer, Henadez, Kalabria, Tonali, Kesi, Çalhanoglu, Rebiç, Saelemekers, Ibrahimoviç. Trajner: S. Pioli

Inter: Handanoviç, Bastoni, Shkrinjar, De Vraj, Perisiç, Hakimi, Eriksen, Brozoviç, Barela, Martinez, Lukaku. Trajner: A. Konte

bandicam 2021-02-21 14-01-45-071

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/