VIDEO/ Napoli nuk di të fitojë, Bolonja përmbys të kaltrit dhe i zhyt në krizë të thellë
Është mbyllur në këto momente ndeshja midis Napolit dhe Bolonjës, e vlefshme për javën e 14-të në Serie A.
Ekipi i Ançelotit ka zhgënjyer përsëri, teksa është mposhtur me përmbysje 2-1 nga Bolonja. Ndeshja nisi mirë për të kaltrit, të cilët kishin shumë raste shënimi në pjesën e parë dhe golin e gjetën në minutën e 41’, me Fernando Jorenten.
Pjesa e parë u mbyll me avantazhin e vendasve, ndërsa në të dytën ishte një Napoli me fytyrë tjetër. Skov Olsen shënoi në minutën e 58’, duke i dhënë barazimin ekipit të tij. Kur të gjithë prisnin golin e Napolit për shkak të rasteve të shumta që kishte, ishte Bolonja ajo që shënoi.
Në minutën e 80’, Sansone shënoi një gol shumë të bukur, pas një kombinimi perfekt me Xhemailin, duke i dhënë ekipit të tij një fitore shumë të rëndësishme. Kjo është ndeshja e 6-të radhazi për ekipin e Ançelotit pa fitore në kampionat, teksa deri tani kanë grumbulluar 4 fitore dhe 2 barazime.
Bolonja tani ngjitet në vendin e 12 me 16 pikë, ndërsa Napoli qëndron në vendin e 7 me 20 pikë.
PANORAMASPORT.AL
NDIQE LIVE "PANORAMA TV"