VIDEO/ Kukësi triumfon me vuajtje përballë Bylisit, skuadra e Duros i “rrëmben” vendin e dytë ballshiotëve
Kukësi ka mposhtur Bylisin me rezultatin 2-1, në sfidën e vlefshme për javën e 13-të të Kategorisë Superiore. Një fitore tepër e rëndësishme për skuadrës e trajnerit Shpëtim Duro, e cila e sheh veten në vendin e dytë me 21 pikë, një më pak se Partizani, i cili do të përballet ndaj Laçit ditën e hënë në “Elbasan Arena”.
Ishin Abazaj dhe Rroca autorët e golave për verilindorët, ndërkohë që për ballshiotët e Dovedan, vendosi baraspeshën e përkohshme sulmuesi Guindo.
Në sfidën e radhës, Kukësi do të përballet ndaj Tiranës në transfertë ndërkohë që Bylisi pret Partizanin në shtëpi.
KUKËSI-BYLIS 2-1
Abazaj 21′, Rroca 73′ / Guindo 44′
KOMENTI LIVE:
Përfundon takimi!
90+2′ Tronditet sërish porta e Bylisin. Abazaj godet shtyllën e majtë pingule të portës së mbrojtur nga portieri Hidi!
90′ Akordohen 4 minuta shtesë!
87′ Abazaj niset bukur nga e djathta, pro nxitohet në finalizim, duke e dërguar topi jashtë kuadratit!
85′ Ballshiotët hidhen në sulm në kërkim të golit të barazimit, por mbrohen mirë futbollistët e Kukësit, të cilët nuk lejojnë hapësira!
82′ Janku ndëshkohet me karton të verdhë për ndërhyrje të gabuar ndaj Rrocës!
80′ Kitanovski i kishte të gjitha mundësitë të trefishonte rezultatin, por nuk koordinohet siç duhet shumë pranë portës, duke gabuar tërësisht!
77′ Zëvendësim te Kukësi, largohet Shkurtaj, vendin e tij e zë Kitanovski!
73′ GOOOOL KUKËSI 2-1/ Verilindorët sërish në avantazh, realizon mesfushori Eduard Rroca! Pas një kombinimi perfekt mes Shkurtajt, Abazajt dhe Rrocës, ky i fundit godet saktë në hyrje të zonës, duke tundur rrjetën!
71′ Zëvendësim te Bylisit largohet Guindo, vendin e tij e zë Turabov!
70′ Hadroj ndëshkohet me karton të verdhë për ndërhyrje të gabuar ndaj Abazajt!
63′ Tjetër zëvendësim tek Kukësi, largohet Limaj, vendin e tij e zë Bruno Lulaj.
60′ Murataj kroson bukur nga e djathta, për Celis, i cili provon të shënojë, por topi devijohet në këndore!
57′ Zëvendësim te Kukësi, largohet nga fusha Ethemi, vendin e tij e zë Enis Gavazaj!
54′ Goditje dënimi për Kukësin, provon Vesel Limaj, por topi përfundon mbi traversë!
53′ Zëvendësim te Bylisi, largohet nga fusha, Ndreca, vendin e tij e zë shkodrani Qardaku!
47′ Ndreca rrëzohet brenda zonës dhe kërkon 11-metërsh, por për gjyqtarin nuk kemi të bëjmë me penallti!
46′ Starton pjesa e dytë!
Përfundon pjesa e parë!
45′ Akordohen 2 minuta shtesë!
44′ GOOOOL BYLISI 1-1/ Barazohen shifrat në “Elbasan Arena” , Guindo gjen rrugën e rrjetës. Pas një asist të Muratajt, sulmuesi i skuadrës ballshiote godet saktë me kokë duke e dërguar topin në cepin e portës!
38′ Këndore për Kukësin, aty ku Mëllugja rrezikon edhe autogolin, teksa Musolli tenton nga distanca por topi shkon shumë larg nga porta, duke mos e pasur forcën e duhur.
33′ Sapo futet në fushë, Celis ekezekuton bukur një goditje dënimi, por reagon mjaft mirë gardiani Xhika, i cili grushton topin!
32′ Zëvendësim i parë te Bylis, largohet nga fusha Ntepe, vendin e tij e zë braziliani Celis!
28′ Fantastik Dashamir Xhika, i cili i mohon një gol të sigurt pas tentativave të Ndrecës dhe Guindos! Vendimtare ndërhyrja e gardianit të skuadrës verilindore!
25′ Sërish kërcënues Bylisi me Ndrecën, i cili provon me kokë nga brenda zonës, por topi shkon mbi kuadrat!
21′ GOOOOL KUKËSI 1-0/ Kristal Abazaj kalon në avantazh skuadrën verilindore! Pas një asist të mrekullueshëm nga ana e Musollit, me të jashtmen, Abazaj shkëputet bukur nga e djathta, dhe me një goditje të kalibruar ka surprizuar portierin Hidi, duke tundur rrjetën!
18′ Minuta më të mira për Bylisin, i cili shfaqet më kërkues në portën e Xhikës!
13′ Peposhi harkon nga e majta drejt zonës, del Xhika, i cili kontrollon gjithçka!
10′ Tjetër tentativë e Ndrecë nga distanca, kësaj here topi është shumë larg kuadratit!
8′ Kundërsulm i shpejt i Bylisin, Ndreca provon me të majtën nga distanca, topi shkon ngjitur me shtyllën!
7′ Abazaj nga e djathta, provon të fusë një top të rrezikshëm te pika e penalltisë, por largon gjithçka Ntepe.
5′ Goditje dënimi për Bylisin nga e majta, topi shkon për Bajramajn, i cili provon ta devijojë drejt portës, por kontrollon gjithçka portieri Dashamir Xhika!
1′ Starton sfida!
FORMACIONET ZYRTARE:
Kukësi: Xhika, Maliqi, Teqja, Obanor, Musta, Limaj, Musolli, Rroca, Ethemi, Abzaj, Shkurtaj. Trajner: Shpëtim Duro
Bylis: Hidi, Janku, Ntephe, Goxha, Peposhi, Mëllugja, Murataj, Bajramaj, Hadroj, Ndreca, Guindo. Trajner: Veljko Dovedan
PANORAMASPORT.AL
NDIQE LIVE "PANORAMA TV"