U mbyll sot java e katërt e Kategorisë së Tretë, e cila zhvillohet me sistem grumbullimi në kompleksin e Kamzës. AF Luftëtari fitoi me përmbysje 5-2 ndaj Kinostudios, ndërsa Spartaku mposhti Murlanin 4-3. Kjo ishte humbja e parë e ekipit privat shkodran, që deri një javë më parë kryesonte renditjen.

Gjirokastritët kanë marrë tashmë kreun, duke qenë me golavarazh më të mirë se Murlani dhe Spartaku. Të trija ekipet kanë grumbulluar nga 9 pikë, duke dhënë sinjale të qarta se gara do të jetë e fortë deri në fund. Në ndeshjen e sotme një prej golave të AF Luftëtarit ishte spektakolar nga goditja e dënimit. Në videon e siguruar nga “Panorama Sport”, mesfushori gjirokastrit Aristotel Bellai, gjuajti me të majtën nga një pozicion diagonal, duke shënuar një gol fantastik, teksa po luhej minuta e 82-të. Lojtari 21-vjeçar është nipi i ish-futbollistit të Kombëtares, Arian Bellai, i cili ka qenë trajner i Luftëtarit, Shqipërisë U-19 dhe Apollon Larisës në Greqi.

RREGULLORJA – Këtë sezon, sipas rregullores së FSHF-së, ekipet që pozicionohen në vendet 1 dhe 2 të Kategorisë së Tretë, ngjiten direkt në Kategorinë e Dytë. Ndërsa vendi i tretë bën një ndeshje “play off” me skuadrën që humbet në finalen mes vendeve të parafundit në grupet A dhe B të Kategorisë së Dytë.

 

KATEGORIA E TRETË

 

Java 4 (1-2 prill)

Kinostudio-AF Luftëtari 2-5

Spartaku-Murlani 4-3

Osumi-Drini     4-2

 

PANORAMASPORT.AL

NDIQE LIVE "PANORAMA TV"

---