Kur sheh urrejtjen që ekziston mes Fiorentinës dhe Juventusit, mund të kuptohet qartësisht se “Zonja e Vjetër” ka përfituar shpesh nga madhështia e tyre si klub, por edhe nga fuqia historike ekonomike për t’u rrëmbyer vjollcëve disa prej yjeve të tyre më të mëdhenj.

Por ka pasur edhe nga ata lojtarë që kanë bërë udhëtimin e kundërt, pra nga Torino në Firence. Dhe formacioni është vërtet nga ata fantastikët, një skuadër e plotë, të cilën edhe Seria A aktuale do ta kishte pasur zili.

Në portë Neto që la vjollcët në 2015-ën për Juventusin; në mbrojtje Kuadrado, kapiteni aktual bardhezi Xhorxho Kielini, ndërsa nga Torino në Firence kanë lëvizur legjenda si Shirea dhe “pirati” Torriçeli; në mesfushë “ushtari” Di Livio la Juventusin pasi fitoi gjithçka, Felipe Melo u ble 25 milionë në 2009-ën nga “Zonja” duke shkaktuar shumë zhurmë, ashtu sikurse Bernardeski në 2017-ën për 40 milionë euro; në sulm ajka e ajkës, Kieza nga 2020 për 60 milionë euro, Roberto Baxho në vitin 1990, ndërsa udhëtimin e kundërt e bëri Adrian Mutu, duke zbarkuar te Fiorentina në 2006-ën.

PANORAMASPORT.AL

NDIQE LIVE "PANORAMA TV"

---