Juventusi do të përballet nesër me Empolin në javën e tretë të Serisë A italian dhe në prag të këtij takimi, para mediave doli trajneri Masimiliano Alegri. Ai foli për merkaton dhe objektivat e skuadrës, teksa preferon të qëndrojë me këmbë në tokë.

“Objektivi ynë është që të jemi në katërshen e parë, për të marrë pjesë në Champions. Titulli kërkon 86-90 pikë dhe natyrisht që Napoli mbetet favorit. Mbrëmë pashë një Milan fantastik, por është vetëm fillimi i sezonit. Ne duhet që të hyjmë në katërshe dhe të bëjmë diçka të rëndësishme.

Kam një skuadër shumë të mirë dhe në merkato nuk mund të ndërhynim më shumë. Do të jetë një garë shumë e fortë për Championsin, me 8 skuadra por ne dhe të marrim të paktën 76 pikë. Mendoj se veç Napolit, edhe Interi dhe Milani kanë skuadër për sprintin final”, u shpreh mes të tjerash Alegri.

PANORAMASPORT.AL

NDIQE LIVE "PANORAMA TV"

---