Disiplina mbetet kriteri dhe kërkesa numër një nga trajneri Migen Mememeli. Ata që thyejnë rregullat apo rregulloren janë të detyruar të përballen me vendimet e stafit teknik. Për momentin dy janë lojtarët e ndëshkuar nga trajneri Memelli për shkaqe disiplinore.

Për njërin, Arinaldo Rrapajn, trajneri i Skënderbeut e pohoi vetë pas ndeshjes me Vllazninë, ku mes të tjerash pohoi: “Rrapaj është pezulluar nga unë për 2 ndeshje për çështje disiplinore dhe javës tjetër do të jetë i barabartë me të gjithë të tjerët”. Por nëse situata e mesfushorit vlonjat është drejt sqarimit, “Panorama Sport” ka mësuar se trajneri Memelli ka dënuar edhe portierin Dramolli. Shkak është bërë ardhja me vonesë në stërvitje e 22-vjeçarit dhe për këtë shkak trajneri Mememelli e ka pezulluar pa afat portierin Kostandin Dramolli.

PANORAMASPORT.AL

NDIQE LIVE "PANORAMA TV"

---