Surpriza në formacionin e Partizanit, Daja provon Damçevskin në qendër të mbrojtjes. Ja ri pritet të rreshtohen ‘demat’ ndaj Teutës

Panorama Sport | Lajmet e fundit nga sporti

Postuar: Shtator 8, 2021 | 16:05


Surpriza në formacionin e Partizanit, Daja provon Damçevskin në qendër të mbrojtjes. Ja ri pritet të rreshtohen ‘demat’ ndaj Teutës

Partizani ka kryer dje seancën e dytë stërvitore të javës anti-Teuta. Të kuqtë do të luajnë në transfertë ditën e premte në “Elbasan Arena” përballë kampionëve të Shqipërisë. Daja ka një kontingjent të plotë në dispozicion, ndërsa afrimi më i bujshëm i “demave të kuq”, Ergys Kaçe, është stërvitur i diferencuar.

PARTIZANI

Ajo që bie në sy te seancat stërvitore të Partizanit është mungesa e disa futbollistëve të rinj, si Balla, Hasa e të tjerë, të cilët mund të kalojnë tek ekipi U-21. Ndërsa pjesa tjetër e ekipit është e plotë dhe pa probleme.

Madje, edhe Musta, Marku e Zhunior, që kanë vuajtur nga dëmtimet këtë verë, janë në 100% të formës së tyre dhe duken gati për sfidën e parë të Superiores përballë Teutës.

partizani formacionit

Daja ka provuar këtë formacion në stërvitje: Hoxha në portë, Gligorov në të djathtë dhe Musta në të majtë. Belica dhe Damçevski në qendër të mbrojtjes. Trajneri ka projektuar Damçevskin si titullar, para Shehit dhe Sotës. Në mesfushë, Rrapaj, Marku e Murataj, ndërsa në sulm, Cara dhe Zhunior nga krahët, ndërsa Lukas Kardozo në qendër.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/