Rrjetet sociale janë një element, që kanë hyrë thuajse në të gjithë përditshmërinë tonë. Dikush për të kaluar kohën, një tjetër për t’u informuar e dikush për të punuar, jemi të lidhur ngushtë me rrjetet sociale, mes tyre “Instagram”-in.

“Panorama Sport” ka vendosur të bëjë një vëzhgim për të parë se sa ndiqen lojtarët e kuq në rrjetet sociale, por edhe sa vëmendje i kushtojnë ata “Instagram”- it. Mund t’i ndajmë në dy kategori: ata që e kanë hapur sa për ta pasur dhe nuk i kushtojnë shumë rëndësi, si dhe ata që janë aktivë dhe postojnë shpesh. Këta të fundit janë në pjesën e sipërme të kësaj renditjeje. Tedi Cara është “mbreti i kuq” i “Instagram”- it.

Kavajasi është futbollisti me më shumë fansa në skuadrën e Partizanit me mbi 10800 të tillë. Sulmuesi njihet gjithashtu ai një nga lojtarët më aktivë në rrjetet sociale, ku poston shpesh mbi aktivitetet e tij të përditshme apo kur shkon me pushime. Në vendin e dytë për më shumë fansa renditet Remzifaik Selmani, i cili numëron 9082 fansa.

Mes lojtarëve më pak të interesuar rreth rrjeteve sociale renditet edhe kapiteni Alban Hoxha, i cili pavarësisht se është një lojtar shumë i njohur në vendin tonë, numëron vetëm 844 fansa në “Instagram”. Mes të huajve futbollisti me më shumë fansa është Da Silva.

PANORAMASPORT.AL

NDIQE LIVE "PANORAMA TV"

---