Rikthimi, Herri Kejn sërish te londinezët e Totenhemit. Ja arsyeja
Bajern Mynih, përmes llogarisë zyrtare, ka deklaruar se klubi ka aprovuar zhvillimin e miqësores me Totenhemin më datën 10 gusht, në stadiumin “Tottenham Hotspur Stadium”.
Ndeshja në fjalë do të luhet si pjesë e “Visit Malta Cup”. Por ajo që tërheq më tepër vëmendje ka të bëjë me rikthimin e Herri Kejn te klubi i fëmijërisë. Vetëm një vit më parë, sulmuesi anglez la “gjelat” për t’u zhvendosur në Mynih, me qëllimin kryesor për të fituar tituj pas “thatësirës” në Londër.
Kohët e fundit është shkruar në mediat ishullore se kryeshënuesi i “tre luanëve” mund të kthehet në një të ardhme jo të largët, aty ku rekordi i golave të Alan Shirer në Premier Ligë krijon tundim. Në planin personal, Herri po përjeton sezonin më të frytshëm të karrierës.
PANORAMASPORT.AL
NDIQE LIVE "PANORAMA TV"