Ndeshja mes Tiranës dhe Skënderbeut ka kthyer tifozët kryeqytetas përsëri në stadiume. Një kthim me probleme me sa duket pasi nuk kanë munguar përplasjet që në ndeshjen e parë të bardhebluve, siç mund të lexoni në pikantet e sfidës që ju sjell në vijim PANORAMA SPORT.

– Numër relativisht jo shumë i madh tifozësh për sfidën mes Tiranës dhe Skënderbeut. Te korçarët shumë pak tifozë, ndërsa nuk mungonin dy grupimet “Fanatics” dhe “Capital Crew”. 2000 tifozë ishte numri i atyre që ishin në stadium.

– Për sistemin VAR ishte vendosur një kabinë e veçantë në anën e djathtë të pankinave.

– “Ditët, muajt pa ty duken shekuj” ishte parulla e “Fanatics” e hapur në stadium. Po kështu, tifozët e Tiranës e ekzagjeruan me parulla të tjera në adresë të korçarëve, që mund të konsiderohen fyese.

– Përqafim Shehi-Memelli në nisje dhe në fund të takimit. Dyshja ka njohje të vjetër.

– Sherr Zguro-Ngo para goditjes së parë të këndit. Jorgji këshillon të dy, ndërsa më pas i ndëshkon me nga një karton të verdhë. Karton që do të rezultojë fatal për lojtarin e Skënderbeut. Memelli nuk përmbahet në tribunë dhe u ulëret të tijve: “Shpejt, shpejt”. Nga ana tjetër, Shehi e ka me Xhixhën: “Hapu Xhixha”. Po kështu, trajneri i Tiranës ka qenë shumë i tensionuar gjatë lojës. Memelli i jep dorën Zguros, edhe pse ky i fundit doli me karton të kuq dhe ndërhyn menjëherë duke bërë një tjetër zëvendësim. Memelli proteston për dy faulle, një herë të kryesori Jorgji dhe te anësori Rexha.

– Ngatërrim tabele në zëvendësimin mes Gjumsit dhe Hotit. Tabela shënon numrin 10 që është Limaj. Alarmohet Shehi që ndryshon zëvendësimin.

– Sherr te pjesa e “Fanatics” mes tifozëve, por ndërhyn policia. Ka edhe një të plagosur i cili merr ndihmën e parë nga mjekët e ndihmës së shpejtë, ndërsa disa persona të tjerë janë shoqëruar në komisariat.

– Para ndeshjes një tifoz bardheblu ndihet keq dhe rrëzohet nga shkallët. Mjekët e ekipit të Tiranës ndërhyjnë dhe mjekojnë tifozin, i cili ishte çfarë në ballë.

PANORAMASPORT.AL

NDIQE LIVE "PANORAMA TV"

---