Liverpuli do të luajë një ndeshje të vështirë përballë Cërvenës së Zvezdës në kuadër të Ligës së Kampionëve. Në ekipin e Jurgen Klop ndodhet dhe lojtari me origjinë shqiptare, Xherdan Shaqiri i cili nuk është aspak i preferuar në Serbi. Ndërkohë një artikull të plotë kushtuar kësaj çështjeje i ka kushtuar edhe “Goal.com”.

Botërori – Xherdan Shaqiri u vendos në qendër të polemikave në Botëror teksa festoi me “shqiponjë” golin që i shënoi Serbisë, duke shprehur kështu simpatinë për shqiponjën që ndodhet në flamurin e Shqipërisë. Ky festim u cilësua si një gjest i zjarrtë politik.

Serbi-Kosovë – Tensionet midis këtyre dy shteteve mbeten të larta dhe Shaqiri rrezikoi një pezullim për shkak të festimit të tij. Mbi Liverpul që ka rënë në Grupin C të Ligës së Kampionëve me ekipin serb të Cërvenës së Zvezdës, pyetjet për aktivizimin ose mos udhëtimin e tij drejt Serbisë janë të shumta.

Festimi në Botëror – Shenja e “shqiponjës” që bëri Shaqiri, ishte një aluzion ndaj dështimit të Serbisë për të njohur vendlindjen e tij si shtet i pavarur dhe u interpretua si një deklaratë e hapur politike. Pavarësisht se Kosova është njohur edhe nga UEFA dhe nga FIFA, Serbia nuk e ka bërë ende këtë hap dhe as që ka ndërmend ta bëjë.

Flamuri i Kosovës te këpucët – Gjatë  Kupës së Botës, Shaqiri mbante gjithashtu një palë këpucë të ku dukej flamuri zviceran dhe ai kosovar. “Unë nuk dua të flas për këtë” – u tha Shaqiri gazetarëve kur e pyetën në lidhje me këtë temë. Në futboll ju keni gjithmonë emocione. Mund të shihni se çfarë kam bërë, kam emocione. Unë jam i lumtur që e shënoj këtë gol. Nuk duhet të flasim për këtë tani”.

Granit Xhaka – Edhe Granit Xhaka, shoku i Shaqirit te Zvicra ka festuar me “shqiponjë” në ndeshjen me Serbinë në Botëror. Përveç kësaj edhe vëllai i tij, Taulant Xhaka luan për ekipin Kombëtar të Shqipërisë. Nga ana tjetër edhe mbrojtësi Stefan Lihtshtajner ka mbështetur dy lojtarët me origjinë shqiptare.

Rreziku në Beograd – Ndeshja me Cërvenën e Zvezdës mund të jetë me rrezik për Shaqirin. Ndoshta edhe Liverpuli mund të marrë masa për këtë duke mos e grumbulluar lojtarin për atë ndeshje. Kjo do të shërbente në të mirë të lojtarit, pasi tensionet politike dhe pritja potencialisht e rënduar mund të jetë një faktor i rrezikshëm.

Presioni ndaj Shaqirit – Por lufta vazhdon edhe në media ku drejtori sportiv i Crvenës së Zvezdës tha se: “Shaqiri do t’i nënshtrohet një presioni të jashtëzakonshëm psikologjik”. Nuk e di nëse do të jetë i gatshëm të luajë në Serbi, në këto kushte, kështu që dyshoj se do të vijë. – u shpreh ai.

NDIQE LIVE "PANORAMA TV"

---