Siç raportojnë mediat angleze, ylli gjerman, Ilkai Gyndoan, thuhet se është në prag të largimit nga Mançester Siti.

“Daily Mail” raporton se ai do të largohet nga skuadra e Pep Guardiolës në verë. Thuhet gjithashtu se Gyndoan është parë në terminalin e avionëve privatë në aeroportin e Mançesterit të hënën në mëngjes.

“Bild” e di: Kjo është e saktë. Megjithatë, jo, siç raportohet në Angli, për shkak të negociatave të mundshme të transferimit. Gyndoan ka dy ditë pushim. Ai fluturoi në Romë me të fejuarën e tij, prezantuesen televizive Sara Arafoui.

Ky është një udhëtim thjesht privat. Aktualisht nuk ka interes për Real Madridin, i cili tashmë kishte tentuar të nënshkruajë me ish-yllin e mesfushës së Dortmundit.

Kontrata e mesfushorit me klubin anglez është deri në vitin 2023. Kjo verë është mundësia e fundit për Sitin që të mbledhë një tarifë për 31-vjeçarin.

Në vitin 2016, Gyndoan kaloi nga BVB te Siti për një tarifë prej 27 milionë eurosh. Ai ishte nënshkrimi i parë i Guardiolës si trajner i anglezëve.

Ndërkohë që në Mynih Bajerni mund të tentojë ta bindë lojtarin që këtë verë. Gyndoan do të pranonte me kënaqësi një rikthim në Bundesligë aty ku edhe Dortmundi po e ndjek.

Gjithsesi, paga e lartë e lojtarit është e papërballueshme nga verdhezinjtë që preferojnë një profil më të ulët në këtë drejtim.

PANORAMASPORT.AL

NDIQE LIVE "PANORAMA TV"

---