“MekGregor merr drogë, duhet të rehabilitohet”, menaxheri i Khabibit bën deklaratën e bujshme dhe ndez duelin
Dihet prej kohësh rivaliteti i madh midis luftëtarëve të arteve marciale Konor MekGregor dhe Khabib Nurmagomedov.
Dueli i zhvilluar midis tyre u fitua pikërisht nga luftëtari nga Dagestani dhe që atëherë karriera e irlandezit në oktagon ka pasur vetëm ulje. Së fundmi, ka menduar menaxheri i Khabibit, Ali Abdelaziz për të ndezur sërish sfidën duke bërë një deklaratë të bujshme. Në një intervistë për ‘’ESNews’’, Abdelaziz u shpreh se Konor nuk është luftëtar i nivelit të lartë dhe se konsumon drogë.
‘’Konor nuk është luftëtar i nivelit të lartë, i pëlqen të marrë drogë. Ai duhet të shkojë në rehabilitim dhe të punojë për jetën e tij, nuk ka nevojë të luftojë’’, u shpreh menaxheri i luftëtarit rus në deklaratën që ka bërë bujë.
PANORAMASPORT.AL
NDIQE LIVE "PANORAMA TV"