Mbrojti Alioskin para shokut të skuadrës, ish-futbollisti i Arsenalit kritikon Granit Xhakën
Ish-futbollisti i Arsenalit Martin Keon kritikoi lojtarin e “Topçinjve” Granit Xhakën, i cili nuk mbrojti shokun e skuadrës Kieran Tierni, pasi ky i fundit u nervozua me futbollistin kundërshtar të Lids Junajtid Ezgjan Alioskin.
Futbollisti i Zvicrës shtyu shokun e tij të ekipit për të mbrojtur lojtarin e Maqedonisë Alioski, pasi ky i fundit arriti të nxirrte me karton të kuq sulmuesin e londinezëve Nikolas Pepen.
Për ish-mbrojtësit e Arsenalit Keon, sjellja dashamirëse e Xhakës kundrejt Alioskit e ka bërë skocezin Tierni të ndihet i tradhëtuar.
“Tierni përfaqëson shpirtin e garës. Ai nuk luan vetëm në prapavijë për të mbrojtur portën, por ushtron shumë presion përpara. Ai mundë jetë ndjerë i tradhëtuar kur ka parë Xhakën që i hodhi krahun Alioskit në fund të ndeshjes. Xhaka e shtyu Tiernin në momentin kur ky po i kërkonte llogari Alioskit. Tierni është modeli i lojtarit të duhur që ka nevojë Arsenali”, deklaroi Keon.
PANORAMASPORT.AL
NDIQE LIVE "PANORAMA TV"