Lojtarët e Skënderbeut në humor, por Shehi i kthen me këmbë në tokë
Më të motivuar se kurrë pas fitores në kryeqytet, te Skënderbeu po vijojë përgatitjet në Korçë. Humori ndihej lehtësisht edhe në seancën e djeshme, e megjithatë ka qenë trajneri Orges Shehi ai që ka munduar t’i kthejë me këmbë në tokë.
Ai ka kërkuar përqendrim maksimal të ekipit në stërvitje dhe u ka kërkuar që mendjen ta kenë vetëm te Kastrioti, që është kundërshtari i radhës. Pavarësisht se bëhet fjalë për ekipin e fundit në renditje, që ka vetëm katër pikë në klasifikim, numri një i pankinës thotë që të mos e nënvlerësojnë.
Dhe duket se Shehi ua ka bërë të qartë se për të evituar surprizat e pakëndshme në shtëpi, ku deri në këtë pikë të sezonit janë lënë 4 nga 7 pikë të mundshme, kërkohet seriozitet.
NDIQE LIVE "PANORAMA TV"