Liga e Kampioneve / Napoli marshon drejt grupeve. Olimpiakosi i Hasit fiton vetëm në fund (Video)
Napoli i Elseid Hysajt ka fituar sot 2-0 ndaj Nicës në ndeshjen e parë të play-off të Ligës së Kampioneve, duke hedhur një hap të sigurt drejt fazës në grupe të turneut,. Golat e Mertens dhe Zhorzhinjos i kanë dhënë një sukses të pastër skuadrës italiane që do të mungohet ta mbrojë atë në ndeshjen e kthimit në Fracnë ku Nicës do t’i mungojnë Koziello dhe Plea, të ndëshkuar të dy me kartonë të kuq.
Hysaj ishte titullar gjatë gjithë ndeshjes, ashtu si Valon Ahmedi me Maribor. Ky i fundit u mund në Izrael përballë Hapoel Ber Shevës, por lë gjithçka të hapur për ndeshjen e kthimit në shtëpi falë golit të Tavares.
Sokol Cikalleshi ndoqi nga stoli humbjen 2-1 në shtëpi të Istanbul Bashakshehir përballë Seviljes, ndërsa Sëlltiku fundosi Astanën duke hipotekuar kalimin në turin tjetër falë fitores 5-0 në ndeshjen e parë.
Ndërkaq, Olimpiakosit të Besnik Hasit iu desh një gol në minutat shtesë i Romaos për t’i dhënë suksesin 2-1 ndaj Rijekës.
Ndeshjet
Olimpiakos-Rijeka 2-1
66′ Oxhixha-Ofoe, 90’+3 Romao / 41′ Heber
Sëlltik-Astana 5-0
32′ (ag) Postnikov, 42′, 60′ Sinkler, 79′ Forrest, 88′ Grifiths
Hapoel Ber Sheva-Maribor 2-1
12′ Nuakaeme, 45’+3′ (p) Dzhedek / 10′ Tavares
Istanbul Bashakshehir-Sevilja 1-2
64′ Elia / 16′ Eskudero, 84′ Ben Jeder
Napoli-Nicë 2-0
13′ Mertens, 69′ (p) Zhorzhinjo