Postuar: Maj 21, 2018 | 11:55
Panuçi lë jashtë Sadikun, rikthen në Kombëtare një shkodran
Trajneri i Kombëtares, Kristian Panuçi vazhdon të surprizojë me zgjedhjet e bëra. Mësohet se tekniku italian ka lënë jashtë sulmuesin Armando Sadiku për dy sfidat miqësore ndaj Kosovës dhe Ukrainës, ndërsa risi është rikthimi i shkodranit Armando Vajushi në Kombëtare.
26-vjeçari është një njohje e vjetër e teknikut Panuçi, pasi në sezonin 2015-2016 kanë qenë së bashku te Livorno.
Falë formës së mirë dhe aktivizimit si titullar te skuadra e Avelinos, Vajushi do të rikthehet në Kombëtare. Mesfushori shkodran mungon që prej vitit 2011.
NDIQE LIVE "PANORAMA TV"