“Jemi ende në kontakte”, e zbulon talenti shqiptar: Do kaloja te Arsenali, por infektimi i Artetës anuloi gjithçka
Ismet Lushaku është një nga lojtarët më të talentuar kosovar, i cili ka treguar paraqitje të shkëlqyera me Eskilstuna në Suedi. Pikërisht për shkak të paraqitjeve të shkëlqyera, në gjurmët e talentit 19-vjeçar u vu Arsenali.
Diçka të tillë e ka zbuluar vetë mesfushori, i cili në një intervistë të dhënë së fundmi është shprehur se do të kalonte te klubi anglez për provë, por vetëm 3 ditë para se të ndodhte kjo rezultoi pozitiv me Koronavirus trajneri Arteta dhe gjithçka u ndërpre, duke shtuar se është ende në kontakte me klubin.
“Ata më kanë vëzhguar për një kohë të gjatë dhe merkaton e shkuar dhe dëshironin të më shinin edhe nga afër. Kështu, unë pata një ofertë për tu stërvitur dhe të luaja me ekipin e Arsenal U23. Vetëm tre ditë përpara se unë të shkoja aty, trajneri Mikel Arteta rezultoi i prekur me Covid-19.
Pas kësaj ata më thanë se askush nuk mund të hynte në Angli për provë dhe ata që ishin atje që do ndiqnin provën time, duhet të shkonin në shtëpitë e tyre, pasi nuk donin që unë apo ata të infektoheshin aty. Që atëherë nuk ka pasur diçka konkrete, por ata ende janë në kontakte me agjentët e mi.”, u shpreh Lushaku.
PANORAMSPORT.AL
NDIQE LIVE "PANORAMA TV"