Ish-trajneri i Milanit, Fabio Kapelo ka dhënë një intervistë për “Gazzetta dello Sport” ku ka analizuar problemet e kuqezinjve të këtij sezoni.

“Në pjesën e dytë të sezonit, Milanit i mungoi kontributi i disa lojtarëve themelorë, nga Menja te Hernandez, nga Tomori te Leao. Epo, nëse ata janë shtyllat mbi të cilat klubi dëshiron të ndërtojë Milanin e së ardhmes e të mendosh se çfarë të bësh dhe si ta bësh, bëhet e vështirë. Unë besoj se drejtuesit duhet, së pari, të kuptojnë nëse këta emra të mëdhenj ende duan t’i japin Milanit, apo nëse preferojnë të largohen. Në hipotezën e parë, duhet të ndërhyjmë, por pa e shtrembëruar. Si? Duhen tri goditje: një qendërmbrojtës, një mesfushor dhe pa dyshim, një qendërsulmues”.

Performanca e Rafael Leaos: “Ka shumë potencial, por kurrë nuk mund ta dish se çfarë loje do të luajë. Dhe kjo krijon dyshime, mua më duket e pamundur që një lojtar me ato cilësi të mos ketë zemërimin, grintën, konkurrencën. Shihni Bellingamin te Reali… Ndikimi i tij ka qenë tronditës. Thënë këtë, nëse Leao dhe Teo ndalen, i bie të mungojë 60% e ekipit.

Zirkze, i duhuri: “Nëse Milani kërkon gjeni, ata duhet të shkojnë te Zirkze. Ai ka cilësi, është fizikisht i fortë dhe e njeh Serinë A. Nuk do të kishte nevojë për t’u përshtatur.”

PANORAMASPORT.AL

NDIQE LIVE "PANORAMA TV"

---