Insinje: Mëkat për barazimin, i kërkova fanellën Leo Mesit
Kapiteni i Napolit, Lorenco Insinje, është i zhgënjyer për faktin që skuadra nuk arriti ta fitonte këtë ndeshje për tifozët e shumtë që ishin në shkallët e stadiumit.
“Ky rezultat na lë shije të hidhur sepse luajtëm mirë. Bëmë një ndeshje sakrifice dhe meritonim ta fitonim. Tani të mendojmë për kampionatin. Mesi? Ia kërkova fanellën përpara fillimit të takimit. U tregua shumë i sjellshëm”, tha Insinje. I pyetur për shanset që ka Napoli në ndeshjen e kthimit, thotë se do të përgatiten. “Mungesa e Busketsit dhe Vidalit nuk ndryshon asgjë. Ata kanë lojtarë të tjerë të rëndësishëm. Ishte një sfidë e bukur dhe donim fitore për tifozët. Ishim të emocionuar sepse luanim për herë të parë kundër Barcelonës dhe Leo Mesit”, ka thënë kapiteni i Napolit pas ndeshjes.
/PANORAMASPORT.AL/
NDIQE LIVE "PANORAMA TV"