Oliver Khan, ish-portieri i Kombëtares gjermane, ka akuzuar trajnerin Joakim Lëv për mosrespektim të kritereve për grumbullimin e lojtarëve. Ai mendon që vendimi për të grumbulluar portierin e Bajernit, Manuel Nojer, pasi kishte ardhur nga një dëmtim i gjatë, kishte ndikuar negativisht në frymën e skuadrës.

“Grumbullimi i Nojerit nuk duhet të ndodhte, këtë e kam shprehur edhe para se të fillonte Kampionati Botëror. Nuk e di se pse trajneri vendosi të përdorë kritere të tjera për të. Ai nuk luante prej shumë kohësh dhe në portë mund të luante Ter Shtegen”, u shpreh Kahn. “Këto gjëra nuk i bëjnë mirë skuadrës. Mund të krijohen pakënaqësi tek ata dhe kjo ndikon jo mirë në frymën e grupit në skuadër”. Kujtojmë që gjermanët u eliminuan në fazën e grupeve, duke u renditur të fundit në grupin F. Ata fituan vetëm një takim dhe humbën dy të tjerat, ndaj Meksikës dhe Koresë së Jugut.

NDIQE LIVE "PANORAMA TV"

---