Gazeta e njohur spanjolle vendos Uzunin në formacionin e vitit: Nuk mund të mungonte
Paraqitjet e Myrto Uzunit në këtë edicion të La Liga 2, kanë qenë mbresëlënëse. Këtë e tregojnë jo vetëm shifrat e tij dhe fakti që ngjiti Granadën si kampione në La Liga, por edhe vlerësimet që ka marrë sulmuesi shqiptar nga specialistët dhe mediat spanjolle.
Ndaj nuk është aspak rastësi që e përditshmja spanjolle “AS”, ka përfshirë sulmuesin e kombëtares shqiptare në formacionin më të mirë të këtij edicioni në La Liga 2.
“Nuk mund të mungonte në formacionin e sezonit golashënuesi më i mirë i Segunda, me të njëjtin numër ndeshjesh si Raul Garcia. Rendimenti i tij ka qenë shumë mbi nivelin që pritej dhe me 23 gola dhe 5 asiste, e ka ngritur Granadën në ngjitjen direkte”, shkruan prestigjiozja spanjolle për Uzunin.
PANORAMASPORT.AL
NDIQE LIVE "PANORAMA TV"