Gatuzo “nder” Milanit, kërkon të marrë te Valencia dy të padëshiruar nga Pioli
Ish-kapiteni i Milanit, Xhenaro Gatuzo ka nisur zyrtarisht aventurën e tij si trajneri i ri i Valencias me italianin që po përgatit listën e përforcimeve në këtë merkato duke pasur në mendje dhe ish-skuadrën e tij ku ka vendosur në shënjestër, mbrojtësin Matia Kaldara dhe sulmuesin Samu Kastijeho.
Sipas raportimeve nga “Calciomercato.com”, Valencia ka kërkuar informacione te kuqezinjtë lidhur me dy lojtarët që janë jashtë planeve të teknikut Stefano Pioli për sezonin e ardhshëm, me Milanin që do të dëshironte të arkëtonte disa të ardhura nga shitja e tyre për t’i përdorur më pas në merkaton e përforcimeve.
Situata për Kastijehon duket më e avancuar, me sulmuesin që ka pasur kontakte edhe në të shkuarën me Valencian për një transferim atje, ndërsa përsa i përket Kaldarës, italiani do të preferonte qëndrimin në Itali ku Empoli është vendosur në ndjekje të tij.
PANORAMASPORT.AL
NDIQE LIVE "PANORAMA TV"