E. League / Interi pëson disfatë, Ibra i siguron fitoren Mançesterit (Video)
Sot u luajtën ndeshjet e dyta në grupe të Ligës së Europës, një aktivitet i cili në këtë edicion regjistron praninë e shumë emrave të njohur si Inter, Roma apo Mançester Junajtid, pa harruar këtu skuadrat e futbollistëve shqiptarë të cilët po aktivizohen rregullisht në këtë turne
Në ndeshjet e darkës, dy ekipet kryesore në garë, Roma dhe Mançester Junajtid nuk kanë zhgënjyer. Italianët kanë fituar me shifrat e thella 4-0 ndaj rumunëve të Astra, ndërsa anglezët, edhe pse kanë vuajtur pak për të gjetur rrugën e rrjetës ndaj ukrainasve të Zorias, kanë zgjidhur gjithçka me Zlatan Ibrahimoviç.
Ndërkohë, Viktoria Plzen e Ergys Kaçes ka siguruar një tjetër pikë pas barazimit 0-0 në fushën e Austrisë së Vjenës. Mesfushori shqiptar ishte titullar dhe u largua nga fusha e lojës vetëm në minutën e 91, ndërsa 3 minuta më parë ishte ndëshkuar me karton të verdhë.
Në ndeshjet e luajtura në orën 19:00 bie në sy disfata në transfertë e Interit të Frenk De Bur. Edhe pse zikaltërit nuk kanë fshehur pretendimet për fitoren e këtij turneu, ata kanë bërë disa gabime të pafalshme në prapavijë gjatë ndeshjes, të ndëshkuar dy herë nga Kadlec në pjesën e parë dhe Holek në të dytën. Goli i Palacios u duk se rihapi ndeshjen, por kartoni i kuq i Ranokias në minutën e 75 vulosi humbjen në transfertë të ekipit italian pasi vetëm një minutë më vonë Interi pësoi edhe golin e tretë të rezultatit përfundimtar 3-1.
Ndërkaq, i mundur nga fusha e lojës ka dalë edhe Agolli me Karabak, pas disfatës me shifrat e thella 5-1 në Itali përballë Fiorentinës. Humbje ka pësuar edhe Koniaspor i Mehës dhe Salzburg i Valon Berishës.
I fituar është larguar nga ndeshja e sotme Burim Kukeli, pasi Zyrihu ka mundur 2-1 Osmanlisporin, në një ndeshje të cilën Armando Sadiku e ndoqi nga tribuna meqë ishte i dëmtuar.
Grupi A
Fenerbahçe-Fejenord 1-0
18′ Emenike
Mançester Junajtid-Zoria 1-0
69′ Ibrahimoviç
Grupi B
Olimpiakos-APOEL 0-1
10′ Soteriu
Astana-Jang Bois 0-0
Grupi C
St. Etien-Anderleht 1-1
90’+5′ Ru / 61′ (p) Tielemans
Kabala-Mainz 2-3
57’ (p) Quarbanov, 62’ Zenjov / 41’ Muto, 68’ Kordoba, 78′ Oztunali
Grupi D
Zenit-AZ Alkmar 5-0
26′, 59′ Kokorin, 48′ Xhiuliano, 66′ (p) Krishito, 81′ Shatov
Dundalk-Makabi Tel Aviv 1-0
73′ Kildaf
Grupi E
Austria Vjenë-Viktoria Plzen 0-0
Roma-Astra Giurgiu 4-0
15′ Strotman, 45′ Fazio, 47′ (ag) Fabricio, 55′ Salah
Grupi F
Atletik Bilbao-Rapid Vjenë 1-0
59′ Benat
Genk-Sasuolo 3-1
8′ Karelis, 25′ Beili, 61′ Susiç / 65′ Politano
Grupi G
Ajaks-Standard Liezh 1-0
29′ Dolberg
Selta Vigo-Panathinaikos 2-0
84′ Guideti, 89′ Uas
Grupi H
Gent-Koniaspor 2-0
17′ Saief, 33′ Neto
Shakhtar Donjeck-Sporting Braga 2-0
5′ Stepanenko, 56′ Kovalenko
Grupi I
Shalke-Salcburg 3-1
15′ Goretzka, 48′ (ag) Caleta-Car, 58′ Houedes / 72′ Soriano
Krasnodar-Nicë 5-2
23′ Smolov, 34′, 64′ (p) Zhoaozinjo, 86′, 90’+3′ Ari / 42′ Baloteli, 71′ Ciprien
Grupi J
Fiorentina-Karabak 5-1
39′, 45’+2′ Babakar, 43′ Kaliniç, 63′, 78′ Zarate / 90’+2′ Ndlovu
Slovan Liberec-PAOK 1-2
1′ Komliçenko / 10′ (p), 82′ Athanasiadis
Grupi K
Sparta Pragë-Inter 3-1
7′, 25′ Kadlec, 76′ Holek / 71′ Palacio
Hapoel Be’er Sheva-Sauthempton 0-0
Grupi L
Zyrih-Osmanlispor 2-1
45’+1′ Shonbahler, 81′ Çausheviç / 74′ Maher
Steaua Bukuresht-Vijareal 1-1
20′ Muniru / 10′ Borre
NDIQE LIVE "PANORAMA TV"