Presidenti i Skënderbeut, Ardjan Takaj, ka reaguar menjëherë pas lajmit se klubi korçar nuk ka apeluar çështjen e dënimit në KAS-in e Lozanës. Në një bisedë për “Panorama Sport”, ai sqaroi: “Është qesharake të dëgjosh se pas atij dënimi me vdekje që na dha UEFA, ne nuk kemi apeluar në KAS.”

“Nuk është aspak e vërtetë ajo çfarë thuhet. Ne e kemi apeluar çështjen duke respektuar afatet ligjore. Madje mund t’ju them se korrespodencën e fundit me KAS e kemi pasur jo më larg se një javë më parë. Tashmë po presim ditën e gjyqit, që është në dorë të KAS, teksa ky organ nuk pyet askënd se kur do të bëj procesin. Thjesht jemi në pritje”.

JORGIS MEMO

 

NDIQE LIVE "PANORAMA TV"

---